ಮನಸ್ಸನ್ನು ಕಾಡುವ ರಾಕ್ಷಸಿ

ನೀ ಗೆಳತಿಯೋ, ಪ್ರೇಯಸಿಯೂ ಒಂದೂ ಅರ್ಥವಾಗ್ತಾ ಇಲ್ಲ ... ನಿನ್ನ ಆ ಮುಗುಳು ನಗುವಿನಲ್ಲಿ ಸೂಜಿಗಲ್ಲಿನ ಸೆಳೆತವಿದೆ. ಆದ್ರೆ ಅದು ಕಪಟ ನಗುವೋ ಅಥವಾ ಪ್ರೀತಿ ವಿಶ್ವಾಸದ ನಗುವೋ ಅನ್ನೋ ತಳಮಳ ನನ್ನನ್ನು ಸದಾ ಕಾಡುತ್ತಿದೆ. ಮೊದಲೇ ಸಂಶಯದ ನೆರಳಿನಲ್ಲಿ ಬದುಕುವ ಈ ಸಮಾಜದಲ್ಲಿ ಅರ್ಥವಿಲ್ಲದ ಪ್ರಶ್ನೆಗಳಿಗೆ ಉತ್ತರ ಹುಡುಕ ಹೊರಟರೆ ಅಲ್ಲಿ ಸಿಗುವುದು ಬರೀ ಜಂಜಾಟದ ಬದುಕು ಮಾತ್ರ. ಇದು ಗೊತ್ತಿದ್ದೂ ನಿನ್ನ ನಗುವಿನ ಹಿಂದೆ ಬಿದ್ದ ನಾನು ಅನುಭವಿಸುತ್ತಿರುವ ಯಾತನೆ... ವೇದನೆ... ಹುಂ ಇದು ನಿನಗೆ ಹೆಂಗೆ ಗೊತ್ತಾಗಬೇಕು... ಇರಲಿ, ಪ್ರೀತಿಯ ಪಂಜರದಿಂದ ಹೊರಬಂದಿರುವ ನನಗೆ ಇದೆಲ್ಲ ಸಹಜ ಅನ್ನಿಸಿದ್ರೂ ನಿನ್ನ ನಗು ನನ್ನ ಮನಸ್ಸನ್ನು ರಾಕ್ಷಸಿಯಂತೆ ಕಾಡ್ತಾ ಇದೆ...ಆದರೂ ....